महेश गायकवाड व्हेंटिलेटरवर;ज्युपिटर रुग्णालयातील डॉक्टरांची माहिती
◆भाजप आमदार गोळीबार प्रकरणात SIT ची स्थापनाः
◆मिररवृत्त
◆मुंबई
भाजप आमदार गोळीबार प्रकरणात क्राईम ब्रँच एसआयटीची स्थापना करण्यात आली आहे. ACP निलेश सोनावणे यांच्या नेतृत्त्वात या प्रकरणाचा तपास करण्यात येणार आहे. भाजप आमदार गणपत गायकवाड यांच्याकडून खुलेआम गोळीबार करण्यात आला होता. त्यांनी शिंदे गटाचे महेश गायकवाड यांच्यावर गोळीबार केला होता. त्यामुळे एकच खळबळ उडाली होती.दरम्यान ठाण्यातील ज्युपिटर रुग्णालयात महेश गायकवाड यांच्यावर उपचार सुरु आहेत. कल्याणचे शिंदे गटाचे खासदार श्रीकांत शिंदे यांनी महेश गायकवाड यांची रुग्णालयात जाऊन भेट घेतली. दरम्यान कार्यकर्त्यांनी रुग्णालयाबाहेर मोठ्या प्रमाणावर गर्दी केली आहे.
भाजपच्या गणपत गायकवाड यांनी शिंदे गटाच्या महेश गायकवाड यांच्यावर सहा गोळ्या झाडल्या होत्या. त्या गोळ्या काढण्यामध्ये डॉक्टर यशस्वी झाले आहे. मात्र, महेश गायकवाड हे व्हेंटिलेटरवर असल्याची माहिती ज्युपिटर रुग्णालयातील डॉक्टरांनी दिली आहे.
भाजप आमदाराला पोलिसांनी ताब्यात घेतले वास्तविक महेश आणि गणपत हे जमिनीचा वाद मिटवण्यासाठी पोलीस ठाण्यात गेले होते. ते पोलिस अधिकाऱ्याशी चर्चा करत असताना भाजप आमदार गणपत गायकवाड आणि त्यांच्या सहकाऱ्याने महेश गायकवाड यांच्यावर चार गोळ्या झाडल्या. यातील दोघांना महेश गायकवाड आणि दोन जणांना त्याचा मित्र राहुल पाटील याने मारहाण केली.
गणपत गायकवाड हे तीन वेळा आमदार गणपत गायकवाड हे कल्याण पूर्व मतदारसंघातून तीन वेळा आमदार आहेत. यापूर्वी दोनदा त्यांनी अपक्ष म्हणून निवडणूक लढवली आणि जिंकली. तिसऱ्यांदा ते भाजपकडून आमदार झाले. दरम्यान, महेश गायकवाड हे कल्याण (पूर्व) येथील शिवसेनेचे नगरसेवक आहेत. ते मुख्यमंत्री एकनाथ शिंदे यांच्या जवळचे मानले जातात.
◆जमिनीच्या वादातून गोळीबार?◆
गेल्या काही दिवसांपासून भाजपा आमदार गणपत गायकवाड आणि शिवसेना शिंदे गटातील शहर प्रमुख महेश गायकवाड यांच्यामध्ये अंबरनाथ तालुक्यातील द्वारली गावातील जागे वरून वाद सुरू होता. हा वाद सोडवण्यासाठी उल्हासनगरच्या कॅम्प क्रमांक पाच हिललाईन पोलिस ठाण्यात दोघांना बोलवण्यात आले. हिललाईन पोलिस ठाण्यात वरिष्ठ पोलिस निरीक्षक अनिल जगताप यांच्या केबिनमध्ये चर्चा सुरू होती. त्यावेळी पुन्हा एकदा दोघांमध्ये वाद निर्माण झाला. त्यानंतर भाजप आमदार गणपत गायकवाड आणि एका साथीदाराने आपल्याकडील बंदूक काढून अंदाधुंद गोळीबार केला. यामध्ये शिवसेना शिंदे गटातील शहर प्रमुख महेश गायकवाड आणि त्यांचा साथीदार राहुल पाटील यांना गोळ्या लागल्या. महेश गायकवाड यांच्यावर चार तर राहुल पाटील यांना दोन गोळ्या लागल्या.
◆गृहमंत्र्यांनी लक्ष देण्याची गरज◆
ठाकरे गटाचे प्रवक्ते आनंद दुबे म्हणाले की, आपल्या ठाण्यात, महाराष्ट्रात काय चालले आहे, भाजपचे विद्यमान आमदार उल्हासनगर पोलीस ठाण्यात गोळीबार करत आहेत. गोळीबाराच्या घटनेत गोळी झाडलेली व्यक्ती मुख्यमंत्र्यांच्या जवळची आणि माजी नगरसेवक आहे. तात्पर्य, दोन्ही पक्ष सत्तेत आहेत, मग या लोकांना कायद्याचा धाक नाही, हे काय समजायचे. राज्य सरकारची दोन्ही इंजिने निकामी झाली आहेत. गृहमंत्री देवेंद्र फडणवीस जी, कृपया दखल घ्या.
