एकायन इंग्लिश स्कूल, असदपुर येथे दिवाळी निमित्त दिया डेकोरेशन स्पर्धा संपन्न
•मिरर वृत्त
•असदपूर प्रतिनिधी
असदपुर येथील एकायन इंग्लिश स्कूलमध्ये दिवाळी उत्सवाच्या निमित्ताने ‘दिया डेकोरेशन’ स्पर्धेचे आयोजन करण्यात आले. या स्पर्धेला विद्यार्थ्यांचा उत्स्फूर्त प्रतिसाद मिळाला. शालेय प्रांगणात विविध रंगीबेरंगी आणि आकर्षक दिव्यांच्या सजावटीचा नयनरम्य देखावा निर्माण करण्यात आला.
या स्पर्धेचा उद्देश विद्यार्थ्यांमध्ये सृजनशीलतेला प्रोत्साहन देणे आणि दिवाळीच्या आनंदाला अधिक रंगत आणणे होता. विद्यार्थ्यांनी विविध आकाराचे आणि रंगांचे दिवे सजवून एक अनोखा व त्याचबरोबर पर्यावरणपूरक संदेश दिला.
विद्यार्थ्यांनी या संधीचा फायदा घेत विविध प्रकारे दिव्यांवर आकर्षक डिझाइन्स आणि रंगांची भर घालून इतरांना एक चांगला संदेश दिला. सदर स्पर्धे मधे नर्सरी मधून प्रथम क्रमांक मनायु अविनाश इंगोलेद्वितीय क्रमांक तेजल अमोल तेलगोटे तर तृतीय क्रमांक अनाबिया फातिमा हिस देण्यात आला त्याचबरोबर ज्युनिअर केजी मधून प्रथम क्रमांक कुमारी रुद्राक्षी प्रफुल्ल उल्हे द्वितीय क्रमांक अयात फातिमा व तृतीय क्रमांक शौर्य गावंडे यास देण्यात आला त्याचबरोबर सीनियर केजी मधून प्रथम क्रमांक अधिराज आकाश गिरी, द्वितीय क्रमांक आदित्य पवन शेंडे तर तृतीय क्रमांक राम विपिन बुब ह्यास देण्यात आला.सदर स्पर्धेकरिता एकायन इंग्लिश स्कूलच्या शिक्षिका कु. वैष्णवी ठाकरे कु.शिवानी ठाकूर ,कु. नियती तायडे, सौ योगिता नितनवरे यांचे सहकार्य लाभले सदर स्पर्धेचे आयोजन स्कूल च्या संचालिका डॉ. स्मिता तायडे यांच्या मार्गदर्शनात करण्यात आले.
