बहुजन विकास आघाडी पालघर जिल्ह्यातील 6 जागा लढवणार!
●बविआ पक्षाच्या कोअर कामिटी मधील निर्णय
●वसई मधून आम हितेंद्र ठाकूर यांना पुनःच निवडणूक लढवण्यासाठी कोअर कमिटीची गळ
◆आशिष राणे,वसई●
विधानसभा निवडणुकीचं बिगुल वाजणार असल्याने लक्षात घेऊन आज बहुजन विकास आघाडीच्या कोअर कमिटीची बैठक विरार येथे पार पडली. या बैठकीत पालघर जिल्ह्यातील सहा विधानसभा जागांचा आढावा घेण्यात आला
त्यामध्ये जिल्ह्यातील सर्व सहा जागा लढवण्याचा महत्त्वाचा निर्णय घेण्यात आला त्याचसोबत या निवडणुकीत आ.हितेंद्र ठाकूर यांनी वसई मधून पुन्हा निवडणूक लढवावी असा आग्रह कोअर कमिटीतील पदाधिकाऱ्यांनी केला आहे
सर्वच पक्षांनी विधानसभा निवडणूकीची तयारी सुरू केली असून पालघर जिल्ह्यात सर्वात मोठा पक्ष असलेल्या बहुजन विकास आघाडीच्या कोअर कमिटी ची बैठक निवडणूकीचा आढावा घेण्यासाठी आज विरार येथे आयोजित करण्यात आली होती
या बैठकीत पालघर जिल्ह्याचा आढावा घेण्यात आला यामध्ये पालघर जिल्ह्यातील सहा जागाचा आढावा घेण्यात आला बहुजन विकास आघाडी जिल्ह्यातील सहा च्या सहा जागा स्वबळावर लढणार असल्याचे माजी महापौर नारायण मानकर यांनी कोअर कमिटीच्या बैठकीनंतर उपस्थित पत्रकारांना सांगितले
त्यावेळी त्यांच्या समवेत बोईसर चे आम राजेश पाटील,जेष्ठ नेते मुकेश सावे , माजी उपमहापौर उंमेश नाईक, माजी महापौर रुपेश जाधव, अजय खोकोणी, जितूभाई शहा, माजी सभापती प्रफुल साने, पंकज ठाकूर आदी उपस्थित होते
बैठकीनंतर पत्रकारांशी बोलताना जेष्ठ नेते नारायण मानकर यांनी सांगितलं की,विधानसभा निवडणूकीच्या पार्श्वभूमीवर आज होणारी ही पहिली सभा पालघर जिल्ह्यासाठी झाली असून या पुढील बैठका राज्यातील कोकण, सोलापूर, पुणे, नाशिक, अहमदनगर ,ठाणे मुंबई ,मराठवाडा आदी भागांतील कोअर कमिटीतील पदाधिकारी व कार्यकर्ते यांच्याशी बोलून होणार आहे
दरम्यान बहुजन विकास आघाडी राज्यात जवळपास 50 विधानसभेच्या जागा लढणार आहे यावेळी पत्रकारांनी बहुजन विकास आघाडीचे जेष्ठ नेते तथा कार्याध्यक्ष राजीव पाटील यांच्या भाजपा प्रवेशा बाबतीतला कळीचा प्रश्न विचारला असता त्यावर उत्तर देताना माजी उपमहापौर उमेश नाईक यांनी स्पष्ट केले की याबाबत अद्यप पक्षापर्यंत कुठलिही अधिकृतपणे माहिती आलेली नाही त्यामुळे जर तर च्या गोष्टी वर उत्तर देणे संयुक्तिक ठरणार नाहीअर्थात ज्यांना जायचं आहे त्यांना आमच्या शुभेच्छा असल्याचे ही कोअर कमिटीतील सदस्यांनी माध्यमासमोर स्पष्ट केले त्यामुळे या विषयावर अधिक चर्चा झाली नाही
